കൂടെ നടക്കുമ്പോള്‍.
ചിലപ്പോള്‍ തോന്നും
കൂടെ നടക്കുന്നുണ്ടെന്ന്,ഒച്ചയില്ലാ
തെ.
അദൃശ്യമായ ഒരു ശരീരം പോലെ...
ചിലപ്പോള്‍ തോന്നും
പുറത്തൊന്നു തോണ്ടിയെന്ന്‍,പതുക്കെ..
തിരിഞ്ഞു നോക്കിയാല്‍
ഒന്നുമില്ലെന്ന പേടി മാത്രം!
ചിലപ്പോള്‍ തോന്നും
ഒന്ന് പ്രണയിച്ചു കൂടെയെന്ന്,
സകലതും ഇട്ടെറിഞ്ഞ്
ഇരുളിലൂടെ ഒരു പ്രയാണം;ഒറ്റക്ക്
അല്ല,കൂട്ടിന് നീയുണ്ടെന്ന്!
ചിലപ്പോള്‍ തോന്നും
ഒന്ന് കലഹിച്ചു കൂടെയെന്ന്,
നിറുത്താതെ, പിടിവിടാതെ
എന്തെയിങ്ങനെയെന്ന ക്രോധം
ഉള്ളിലുണരുമ്പോള്‍...
കൂടെ നടക്കുന്ന
മരണമേ,
കാത്തിരിക്കൂ,മറുകരയെത്തട്ടെ
ഞാനീ നൂല്പാലം കടന്ന്!
POSTED BY : BIJU MEDAYIL H
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ